ກະ​ເສດ​ສາດ ແລະ ປ່າ​ໄມ້

ເປົ້າໝາຍ ຍຸດທະສາດ ແລະ ແຜນພັດທະນາ 

ດ້ານວຽກງານວິຊາການ

ແຜນພັດທະນາຂອງຄະນະກະເສດສາດ ແລະ ປ່າໄມ້ໃນ 10 ປີຕໍ່່ໜ້າ (2020-2030) ມີລາຍລະອຽດດັ່ງນີ້:

ແຜນຂະຫຍາຍ:

• ສ້າງຫຼັກສູດປະລິນຍາໂທ ດ້ານວິທະຍາສາດສັດ 1 ຫຼັກສູດ ແລະ ຫຼັກສູດ ນາໆຊາດ 1 ອາທິດ ຈໍານວນ 3 ຫຼັກສູດ
• ແຕ່ປີ 2020 ຮອດ 2025 ຄກປ ຈະຂະຫຍາຍພາກວິຊາຕື່ມອີກ 2 ພາກວິຊາ ຄື: 1. ພາກວິຊາປ່າໄມ້ ແລະ ສິ່ງແວດລ້ອມ, 2. ພາກວິຊາເທັກໂນໂລຢີອາຫານ
• ຮອດປີ 2030 ຈະຂະຫຍາຍເພີ່ມ 1 ຄະນະວິຊາຄື ຄະນະປ່າໄມ້ ແລະ ສິ່ງແວດລ້ອມ ໂດຍປະກອບມີ 2 ພາກວິຊາຄື: ພາກວິຊາປ່າໄມ້ ແລະ ພາກວິຊາ ສິ່ງແວດລ້ອມ

ແຜນພັດທະນາພື້ນຖານໂຄງລ່າງ

ດ້ານເນື້ອທີ່
ປັດຈຸບັນການແບ່ງຂອບເຂດເນື້ອທີ່ຂອງຄະນະກະເສດສາດ ແລະ ປ່າໄມ້ ຍັງບໍ່ທັນຊັດເຈນ

ແຜນຄວາມຕ້ອງການເນື້ອທີ່ໃຫມ່ທັງຫມົດສໍາລັບ 2 ຄະນະວິຊາແມ່ນ 452 ເຮັກຕາ, ເຊິ່ງແຍກການນໍາໃຊ້ ໃນແຕ່ລະດ້ານດັ່ງລຸ່ມນີ້:

• ນໍາໃຊ້ເຂົ້າໃນດ້ານປູກຝັງ 120 ເຮັກຕາ (ໃນນີ້ປະກອບມີເນື້ອທີ່ສໍາລັບປູກພືດອຸດສາຫະກໍາ 50 ເຮັກຕາ, ປູກພືດສວນ 30 ເຮັກຕາ, ພືດທັນຍາຫານ 40 ເຮັກຕາ)
• ນໍາໃຊ້ເຂົ້າໃນດ້ານລ້ຽງສັດ 180 ເຮັກຕາ ໃນນີ້ປະກອບມີເນື້ອທີ່ສໍາລັບເຮັດຄອກແບ້, ຄອກງົວ ແລະ ທົ່ງຫຍ້າ 50 ເຮັກຕາ, ເນື້ອທີ່ສໍາລັບຜະລິດອາຫານສັດ ຄື: ມັນຕົ້ນ 50 ເຮັກຕາ, ກວ້ຍ 10 ເຮັກຕາ, ອ້ອຍ 10 ເຮັກຕາ, ຖົ່ວເຫຼືອງ 10 ເຮັກຕາ, ສາລີອາຫານສັດ 10 ເຮັກຕາ, ເນື້ອທີ່ສໍາລັບປະມົງນ້ໍາຈືດ 30 ເຮັກຕາ, ເນື້ອທີ່ ສໍາລັບສັດຕະວະແພດ 10 ເຮັກຕາ)
• ນໍາໃຊ້ເຂົ້າໃນດ້ານປ່າໄມ້ ແລະ ສິ່ງແວດລ້ອມ 102 ເຮັກຕາ (ໃນນີ້ປະກອບມີ ເນື້ອທີ່ປູກປ່າ ປະສົມ 80 ເຮັກຕາ, ເນື້ອທີ່ສວນກ້າ 2 ເຮັກຕາ, ເນື້ອທີ່ ສະຖານນີຂີ້ເຫຍື້ອ, ເກັບ ແລະ ລີໄຊເຄິນ 20 ເຮັກຕາ)
• ສະຫນາມກິລາ ແລະ ທີ່ຕັ້ງອາຄານ 50 ເຮັກຕາ

ດ້ານອາຄານ
ໃນສົກຮຽນ 2019-2020 ນີ້, ອາຄານຮຽນຂອງຄະນະກະເສດສາດ ແລະ ປ່າໄມ້ ແມ່ນມີທັງຫມົດ 3 ຫຼັງ ເປັນອາຄານ 2 ຊັ້ນ ມີຈໍານວນຫ້ອງສໍາລັບຈັດການຮຽນ-ການສອນ ທັງຫມົດ 20 ຫ້ອງ (ຫ້ອງຮຽນລວມ 2 ຫ້ອງ) ເຊິ່ງມີພຽງພໍສໍາລັບສົກຮຽນນີ້.

ແແຜນຄວາມຕ້ອງການອາຄານເພີ່ມ ຈໍານວນ 7 ຫຼັງ ຄື:

• ອາຄານສໍາລັບຫ້ອງການ 2 ຫຼັງ ຊື່ງປະກອບມີຫ້ອງການສໍາລັບເຮັດວຽກຂອງພະນັກງານ 18 ຫ້ອງ (ຄະນະບໍດີ ແລະ ຮອງ 6 ຫ້ອງ, ພາກວິຊາ 4 ຫ້ອງ ແລະ ພະແນກຕ່າງໆ 8 ຫ້ອງ)
• ອາຄານສໍາລັບຫ້ອງຮຽນ 2 ຫຼັງ ປະກອບມີ 40 ຫ້ອງ
• ຫ້ອງຮຽນ 30 ຫ້ອງ
• ຫໍສະຫມຸດ 2 ຫ້ອງ
• ສະໂມສອນ ຫຼື ຫ້ອງປະຊຸມໃຫຍ່ 2 ຫ້ອງ
• ຫ້ອງສໍາລັບເຮັດພາກປະຕິບັດ 6 ຫ້ອງ
• ອາຄານຫໍພັກສໍາລັບຄູ 1 ຫຼັງ

ທີ່ປຶກສາ ແລະ ການຮ່ວມມືສາກົນ

ຄະນະກະເສດສາດ ແລະ ປ່າໄມ້ ໄດ້ມີການຮ່ວມມືເຊັນ MOA ລະຫວ່າງ ຄະນະກະເສດສາດ ແລະ ປ່າໄມ້ ກັບບັນດາສະຖາບັນຕ່າງໆ ທັງພາຍໃນ ແລະ ຕ່າງປະເທດໃນໄລຍະຜ່ານມາຮອດປີ 2024. ມີດັ່ງລຸ່ມນີ້:

ພາຍໃນ

• ອີ່ຕູ້ສວນຂຽວ
• ບໍລິສັດປາກຊ່ອງໄຮແລນ
• ຄຣີນິກຮັກສາສັດປາກເຊ
• ບໍລິສັດບີຄຮີມພະລັງງານລາວຈຳກັດ
• ບໍລິສັດ MDA La farm sole CO.LTH
• ສະມາຄົມເຄືອຂ່າຍມະຫາວິທະຍາໄລ ສຸຂະພາບໜຶ່ງດຽວ

ຕ່າງປະເທດ

•  ມະຫາວິທະຍາໄລ ລາຊະມັງຄະລາ ເທັກໂນໂລຊີອີສານ ປະເທດໄທ
• ມະຫາວິທະຍາໄລ ແມ່ໂຈ້ ປະເທດໄທ
• ມະຫາວິທະຍາໄລ ກະເສດສາດ ປະ ເທດໄທ