ໃນຕອນເຊົ້າຂອງວັນທີ 6 ສິງຫາ 2024 ນີ້ ທີ່ຫ້ອງປະຊຸມຕຶກສຳນັກງານອະທິການບໍດີ ມະຫາວິທະຍາໄລ ຈຳປາສັກ ໄດ້ເປີດພິທີມອບ_ຮັບໃບຢັ້ງຢືນໜ່ວຍພັກປອດໃສ, ເຂັ້ມແຂງ,ໜັກແໜ້ນ ໃຫ້ແກ່ໜ່ວຍພັກທີ່ຂື້ນກັບຄະນະພັກ ຮາກຖານມະຫາວິທະຍາໄລ ຈຳປາສັກ ປະຈຳປີ 2023.
ໃຫ້ກຽດເຂົ້າຮ່ວມເປັນປະທານໃນພິທີ ແລະ ມອບໃບຢັ້ງຢືນດັ່ງກ່າວແມ່ນສະຫາຍ ບົວທອງ ສຸວັນນະສານ ຄະນະປະຈຳພັກແຂວງຈຳປາສັກ ຫົວໜ້າພະແນກສຶກສາທິການ ແລະ ກິລາ ແຂວງຈຳປາສັກ, ສະຫາຍ ປອ ນາງ ພອນສະຫວັນ ເທບພະສຸລິທອນ ຮັກສາການເລຂາຄະນະພັກຮາກຖານ ວ່າການແທນອະທິການບໍດີ ມະຫາວິທະຍາໄລ ຈຳປາສັກ, ສະຫາຍ ພູຂົງ ອິນທະປັນຍາ
ຄະນະພັກຮາກຖານມະຫາວິທະຍາໄລ ຈຳປາສັກ. ເຂົ້າຮ່ວມໃນພິທີມີສະຫາຍຮອງເລຂາຄະນະພັກຮາກຖານ, ສະຫາຍເລຂາ,ຮອງເລຂາໜ່ວຍພັກ 6 ໜ່ວຍທີ່ຂື້ນກັບ,ສະຫາຍແຂກທີ່ຖືກເຊີນຈາກຄະນະຈັດຕັ້ງແຂວງຈຳປາສັກ,ສະຫາຍສະມາຊິກພັກສົມບູນໃນໜ່ວຍພັກທີ່ຂື້ນກັບກໍໄດ້ເຂົ້າຮ່ວມດ້ວຍ.
ຂ່າວພາບ ສາຍສະໝອນ ພົມມະສຸລິດ ຂ່າວສານ ມຈ
