ມະຫາວິທະຍາໄລຈຳປາສັກ (ມຈ)
ຈຳນວນຜູ້ເຂົ້າຊົມທັງໝົດ:
203447
 

 

ຂ່າວພາຍໃນມະຫາວິທະຍາໄລຈຳປາສັກ

 
ບໍລິສັດເບຍລາວຈຳກັດໄດ້ມອບທຶນການສຶກສາໃຫ້ແກ່ນັກສຶກສາ ມຈ
ບໍລິສັດເບຍລາວຈຳກັດ ໄດ້ມອບທຶນການສຶກສາ ໃຫ້ແກ່ນັກສຶກສາທີ່ທຸກຍາກ, ຮຽນດີ-ຮຽນເກັ່ງ ຂອງ ມະຫາວິທະຍາຈຳປາສັກ ( ມຈ ) ຄັ້ງທີ V. ເຊິ່ງພິທີມອບມີຂຶ້ນໃນວັນທີ 3 ພະຈິກ 2015 ນີ້ ທີ່ ມຈ .ເຊິ່ງໃຫ້ກຽດມອບໂດຍ ທ່ານ ກິດສະໜາ ວົງໄຊ ຜູ້ອຳນວຍການໃຫຍ່ ບໍລິສັດເບຍລາວ, ຕາງໜ້າຮັບໂດຍທ່ານ ດຣ. ບຸນມີ ພອນສະຫວັນ ອະທິການບໍດີມະຫາວິທະຍາໄລຈຳປາສັກ, ມີທ່ານຮອງຜູ້ອຳນວຍການໃຫຍ່ ບໍລິສັດເບຍລາວ, ພະນັກງານຄູອາຈານ ແລະ ນັກສຶກສາຂອງສອງສະຖາບັນເຂົ້າຮ່ວມ. ທ່ານ ກິດສະໜາ ວົງໄຊ ໃຫຮູ້ວ່າ: ບໍລິສັດເບຍລາວໄດ້ເລີ່ມນະໂຍບາຍ ມອບທຶນການສຶກສາມາແຕ່ປີ 2010 ຈຳນວນທຶນທີ່ຊ່ວຍເຫຼືອຜ່ານມາມີປະມານ 1250 ທຶນ. ມີນັກສຶກສາທີ່ຮຽນຈົບໄປແລ້ວ ປະມານ 250 ຄົນ ມີວຽກເຮັດງານທຳ, ເຊິ່ງເຂົາເຈົ້າເຫຼົ່ານັ້ນກໍໄດ້ປະກອບສ່ວນ ຮັບໃຊ້ວຽກງານຢູ່ຫຼາຍຂົງເຂດຂອງລັດ, ທຸລະກິດກໍ່ຄືສັງຄົມ. ສົກປີ 2015-2016 ບໍລິສັດມີຕົວເລກ ມອບທຶນການສຶກສາທັງໝົດໃນທົ່ວປະເທດ 330 ທຶນ ຄິດເປັນເງິນປະມານ 1 ຕື້ກີບ. ໃນນັ້ນສະເພາະສອງສະຖາບັນການສຶກສາ ມະຫາວິທະຍາໄລຈຳປາສັກ ມີທັງໝົດ 40 ທຶນລວມເປັນເງິນ 118 ລ້ານກີບ. ທັງໝົດນີ້ກໍ່ເພື່ອແບ່ງເບົາ ໃຫ້ແກ່ນັກສຶກສາທີ່ປະຕິບັດໂຕດີ ຕັ້ງໃຈຮໍ່າຮຽນແຕ່ວ່າຂາດເຂີນທາງດ້ານທຶນຮອນ, ທັງເປັນການປະຕິບັດຕາມແນວທາງ ນະໂຍບາຍຂອງພັກ-ລັດຖະບານ ເຂົ້າໃນວຽກງານການສຶກສາອີກດ້ວຍ. ຜູ້ຕາງໜ້າຈາກສອງສະຖາບັນການສຶກສາ ໃຫ້ຮູ້ຕື່ມວ່າ: ສະຖາບັນ ຂອງພວກເຮົາຄັດເລືອກນັກສຶກສາເພື່ອ ໃຫ້ທຶນແມ່ນເປັນໄປຕາມເງື່ອນໄຂຂອງ ບໍລິສັດເບຍລາວໄດ້ກຳນົດອອກ ຄື: ເປັນນັກສຶກສາທີ່ທຸກຍາກ, ຮຽນດີຮຽນເກັ່ງ, ຄຸນສົມບັດດີ. ໄດ້ຂະຫຍາຍທຶນດັ່ງກ່າວລົງສູ່ 6 ຄະນະວິຊາຄື: ຄະນະສຶກສາສາດ, ຄະນະນິຕິສາດ ແລະ ລັດຖະສາດ, ຄະນະກະເສດສາດ ແລະ ປ່າໄມ້, ຄະນະເສດຖະສາດ ແລະ ການຄຸ້ມຄອງ, ຄະນະວິສະວະກຳສາດ ແລະ ຄະນະວິທະຍາສາດທຳມະຊາດ.
ວັນທີເພີຍແຜ່ 04/ກໍລະກົດ/2016
 
 
ທ່ານກຳລັງຢູ່ທີ່: ໜ້າທຳອິດ ບໍລິສັດເບຍລາວຈຳກັດໄດ້ມອບທຶນການສຶກສາໃຫ້ແກ່ນັກສຶກສາ ມຈ
 
Scroll to Top