ໃນຕອນບ່າຍຂອງວັນທີ 6/8/2024 ນີ້ ທີ່ຫ້ອງປະຊຸມຄະນະນິຕິສາດ ແລະ ລັດຖະສາດ ມະຫາວິທະຍາໄລຈຳປາສັກ ໄດ້ເຜີຍແຜ່ນິຕິກຳໃຫ້ແກ່ຊາວໜຸ່ມທົ່ວມະຫາວິທະຍາໄລຈຳສັກ.ໂດຍການຮ່ວມເປັນປະທານຂອງສະຫາຍ ສາລີ ເດດມຸງຄນ ຮອງອະທິການບໍດີ ມະຫາວິທະຍາໄລ ຈຳປາສັກ,ສະຫາຍ ສຸວັນນະລາດ ສີຫານົນ ຮອງເລຂາຄະນະບໍລິຫານງານຊາວໜຸ່ມແຂວງຈຳປາສັກ ແລະ ຄະນະ,ເຂົ້າຮ່ວມມີຄະນະຊາວໜຸ່ມກະຊວງເຕັກໂນໂລຊີ ແລະ ການສື່ສານ,ມີສະຫາຍຮອງຫົວໜ້າຫ້ອງການສູນກາງຊາວໜຸ່ມປະຊາຊົນປະຕິວັດລາວ,ມີສະຫາຍເລຂາຊາວໜຸ່ມຮາກຖານມະຫາວິທະຍາໄລ ຈຳປາສັກ ພ້ອມຄະນະ,ມີບັນດາສະຫາຍໃນເລຂາ,ຮອງເລຂາຊາວໜຸ່ມທີ່ຂື້ນກັບຮາກຖານມະຫາວິທະຍາໄລ ຈຳປາສັກ ຕະຫລອດຮອດສະມາຊິກຊາວໜຸ່ມໃນໜ່ວຍທີ່ຂື້ນກັບ ເຂົ້າຮວມຈຳນວນໜື່ງ.
ໃນການເຜີຍແຜ່ນິຕິກຳຄັ້ງນີ້ໄດ້ອອກເປັນ 4 ພາກຄື:
1. ຄວາມເປັນມາໃນການສ້າງກົດໝາຍວ່າດ້ວຍຊາວໜຸ່ມ
2. ເຫດຜົນ ແລະ ຄວາມຈຳເປັນໃນການສ້າງກົດໝາຍວ່າດ້ວຍຊາວໜຸ່ມລາວ
3. ໂຄງປະກອບ ແລະ ເນື້ອໃນກົດໝາຍ
4. ຜົນໄດ້ຮັບໃນການສ້າງກົດໝາຍວ່າດ້ວຍຊາວໜຸ່ມລາວ
ທັງນີ້ເພືອເປັນການເຜີຍແຜ່ໃຫ້ແກ່ສະຫາຍຊາວໜຸ່ມທີ່ເຂົ້າຮ່ວມໄດ້ຮັບຮູ້ແລ້ວພ້ອມກັນສະແດງຄວາມຄິດເຫັນປະກອບໃສ່ ແລະ ຍັງມີການຈັດກິດຈະກຳຖາມຕອບກ່ຽວກັບວຽກງານດັ່ງກ່າວນຳອີກດ້ວຍ.
ຂ່າວພາບ ສາຍສະໝອນ ພົມມະສຸລິດ ຂ່າວສາວ ມຈ
