ສູນ​ຂໍ້​ມູນ ແລະ ຂ່າວ​ສານ

ສູນຂໍ້ມູນຂ່າວສານ (ITC) ຂຽນຫຍໍ້: “ສຂ” ເປັນກົງຈັກວິຊາການໃນໂຄງປະກອບການ ຈັດຕັ້ງ ຂອງ ມະຫາວິທະຍາໄລ ຈຳປາສັກ, ເຊິ່ງຢູ່ພາຍໃຕ້ການຊີ້ນໍາ ຂອງອະທິການບໍດີ ມີພາລະບົດບາດຈັດຕັ້ງການຮຽນ - ການສອນ, ເປັນສູນລວມດ້ານການບໍລິການ ການຈັດຝຶກອົບຮົມໄລຍະສັ້ນ-ໄລຍະຍາວ, ຄຸ້ມຄອງລະບົບ ເຄື່ອຂ່າຍ, ເປັນສູນລວມຖານຂໍ້ມູນ ຂອງ ມະຫາວິທະຍາໄລ ຈຳປາສັກ. ບູລະນະຮັກສາອາຄານສະຖານທີ່, ວັດຖຸອຸປະກອນ. ເພື່ອນໍາໃຊ້ເຂົ້າໃນ ການຮຽນ - ການສອນ, ການຄົ້ນຄວ້າຜ່ານສື່ອອນລາຍ ແລະ ການເຄື່ອນໄຫວຕ່າງໆ ພາຍໃນມະຫາວິທະຍາໄລ ຈຳປາສັກ.

ໜ້າທີ່ 

ສູນເຕັກໂນໂລຊີຂໍ້ມູນຂ່າວສານ ມີໜ້າທີ່ດັ່ງນີ້:

• ສຶກສາອົບຮົມພະນັກງານ-ລັດຖະກອນ ພາຍໃນສູນໃຫ້ເປັນພົນລະເມືອງດີຂອງຊາດ;
• ຄົ້ນຄວ້າ, ສ້າງແຜນພັດທະນາ ບຸກຄະລາກອນດ້ານໄອທີ;
• ຄຸ້ມຄອງ ແລະ ພັດທະນາ ລະບົບຕາໜ່າງເຄືອຂ່າຍລະຫວ່າງສູນ, ຄະນະວິຊາ ແລະ ຫ້ອງການ ພາຍໃນ ມະຫາວິທະຍາໄລ ຈຳປາສັກ;
• ສາມາດເປີດຫຼັກສູດການຝຶກອົບຮົມໄລຍະສັ້ນ-ໄລຍະຍາວ ໃຫ້ແກ່ພາຍໃນ ແລະ ພາຍນອກ;
• ສ້າງລະບຽບການ ໃນຄຸ້ມຄອງດ້ານບໍລິການຕ່າງໆ ພາຍໃນສູນ;
• ປະຕິບັດສິດ ແລະ ໜ້າທີ່ອື່ນໆ ຕາມມອບໝາຍ ຂອງອະທິການບໍດີ;

ຂອບ​ເຂດ​ສິດ

ສູນເຕັກໂນໂລຊີຂໍ້ມູນຂ່າວສານ ມີສິດດັ່ງນີ້:

• ສະເໜີແຜນ ແລະ ໂຄງການກ່ຽວກັບການພັດທະນາທາງດ້ານວິຊາການ ຂອງສູນ;
• ຄຸ້ມຄອງພະນັກງານ-ລັດຖະກອນ ທີ່ນອນໃນຄວາມີຮັບຜິດຊອບ;
• ສະເໜີລະບຽບ, ອອກຂໍ້ກໍານົດໃນການນໍາໃຊ້ຫ້ອງຄອມພິວເຕີ, ງົບປະມານ, ການປະຕິບັດນະໂຍບາຍຕ່າງໆ ແລະ ລາຍງານວຽກງານຕ່າງໆ ຕໍ່ອະທິການບໍດີ;
• ປະຕິບັດສິດ ແລະ ໜ້າທີ່ອື່ນໆ ຕາມການມອບໝາຍ ຂອງອະທິການບໍດີ

ໂຄງປະກອບກົງຈັກ

ສູນເຕັກໂນໂລຊີຂໍ້ມູນຂ່າວສານ ປະກອບ ມີ 2 ພະແນກຄື:

1. ພະ​ແນ​ກວິຊາການ
2. ພະ​ແນກ​ບໍ​ລິ​ຫານ